PLE ezberdinen azterketa

Jarduera honen bitartez, nire ustez zeintzuk diren Ple deigarrienak adieraziko dizkizuet. Aukeraketa justifikatzeko nire iritzia adierazteaz gain, PLE batek bete behar dituen ezaugarriak kontutan hartuko ditut.

 Dallas McPheeters - My Personal Learning Network

Deskripzioa: PLE honek ikaskuntza pertsonala sortzeko prozesua modu laburrean azaltzen digu, adibide baten bitartez.

Oso deigarria iruditu zait, bertan azaltzen duelako nola bilatutako informazioa, informazio berria eta pertsonala bilakatzen dugun. Gainera, informazio berri hori konpartitzen dugu besteek oinarri moduan har dezaten bere informazio berria sortzeko. Beraz,  prozesu biribila dela argi ikus daiteke.

Ple honetan informazio falta antzematen dut, ez duelako adierazten erabiltzen dituen aplikazioak. Hala ere, adibide honen bitartez,  oso erraz ikus dezakegu informazioa egunero berritzen eta konpartitzen dagoela eta gu garela informazio berri horren sortzaileak, hau da, gure ikaskuntzaren protagonistak. 

Cristóbal Suárez Guerrero - Mi PLE

Deskripzioa: Cristobal Suarez Guerrero egindako Ple-ak lau zereginak betetzen ditu: sortu, bilatu, komunikatu eta konpartitu. Zeregin bakoitza burutzeko zenbait aplikazio erabilgarri eta lagungarri kokatzen ditu. Hauen artean, blogger, twitter, delicious eta instagram azpimarratzen dituelarik.

Ple honetatik gehien gustatu zaidana aplikazio gehienak ezagunak, dohainik eta erabiltzeko errazak direla izan da. Gainera mapa erakargarria eta ulertzeko erraza iruditzen zait, erdigunean egilea kokatzen duelarik. Bestalde, Ple batek izan behar dituen zereginak betetzen ditu, hau da, informazioa bilatzeko, sortzeko eta informazioa konpartitzeko aplikazioak agertzen dira. Horretaz gain, zeregin guztietan pertsonak agertzea idei ona da, web 2.0-an jendearekin edozein momentuan eta edozein lekutan harremanetan jarri ahal zarelako, pertsonok gauzak konpartitzeko funtsa garelarik.

Gutxien gustatu zaidana ikaskuntzarako aplikazio garrantzitsu gehiago daudela uste dudala izan da, nik hauek guztiak ez ditut erabiltzen, batzuk ezezagunak iruditzen zaizkit. Hori horrela, beste aplikazio batzuk faltan bota ditut, adibidez, informazioa sortzeko eta kooperazioan aritzeko dropbox aplikazioa gehituko nuke, besteak beste. Hurrengo PLE-etan agertutako aplikazioekin beteko nuke.

Gabi Witthaus - PLE or VLE

Deskripzioa: Gabi Withaus-ek bere PLE-an zer egin nahi duen azaltzen du. Web 2.0n egin daitezkeen ekintzak eta ekintza bakoitzaren aplikazioak agertzen dira.

Ple honek nire gustukoa izan da, hurbil sentitu naizelako aplikazio gehienak erabiltzen edo ezagutzen ditudalako. Ple-a nahiko beteta dagoela iruditu zait, ekintza eta aplikazio baliogarrienak dituelako. Hala ere, aplikazio bakoitzaren ondoan marrazkiak jarriko nituzke erakargarriagoa eta ulertzeko errazagoa dela uste dudalako. Gainera, erdigunean PLE-aren egilea jarriko nuke, Gabi Withaus-ek ikaskuntzaren erantzukizuna hartzen duena delako.

Ple honetan hobetuko nituzkeen alderdiak Jaime Oyarzoren PLEak betetzen dituela uste dut. Hala ere, egile honek jarritako aplikazioak, Gabi Withaus jarritakoekin osatuko nituzke.

Jaime Oyarzo – Mi PLN

Azken PLE hau osatuena eta hoberena iruditzen zait. Oinarri moduan hartuko nuke nire PLE-a sortzeko, hala ere goiko PLE-etan azpimarratutako ideiekin osatuko nuke.